Persónuverndarstefna

Hver ber ábyrgð á gögnunum þínum

Birta Coach er rekin af NexoItec Studios (einstaklingsrekstur á Íslandi). Fyrirspurnir um persónuvernd: support@birtacoach.com.

Hvaða gögn verða til í Birtu

• Skipulagsgögn sem þú skráir sjálf/ur: verkefni, dagskrá, rútínur, venjur, listar, fókus-lotur og ljósin í Ljóskrukkunni.
• Dagbókarfærslur og líðan-skráningar sem þú velur að skrifa.
• Stillingar (þema, tungumál, verðlaunin þín) svo upplifunin fylgi þér milli tækja.
• Netfang og innskráningarupplýsingar reikningsins þíns.

Birta safnar engum gögnum úr tækinu þínu umfram það sem þú skráir sjálf/ur. Engar auglýsinga-rakningar, engir þriðju-aðila-vafrakökur — aðeins ein nauðsynleg innskráningarkaka.

Dagbókin þín er einkamál — líka gagnvart gervigreind

Þetta er kjarnaregla Birtu: dagbókartexti og líðan-skráningar fara aldrei orðrétt í gervigreind. Þegar Birta stingur upp á skipulagi notar hún gervigreind (Google Gemini) sem fær aðeins verkefna- og skipulagsupplýsingar — aldrei dagbókina þína. Þú getur að auki stýrt því í stillingum hvort Birta megi læra af mynstri (ekki setningum) í dagbókinni; sjálfgefið er nei.

Hvar gögnin eru geymd

Gögnin þín eru geymd í dulkóðuðum gagnagrunni hjá Supabase. Þau eru aðeins notuð til að reka Birtu fyrir þig — þau eru aldrei seld og aldrei notuð í auglýsingar.

Greiðslur

Áskriftir á vefnum eru afgreiddar af Creem (merchant of record) og í iOS-appinu af Apple. Kortaupplýsingarnar þínar fara beint til þeirra — Birta sér þær aldrei og geymir þær aldrei. Um meðferð greiðslugagna gilda stefnur Creem og Apple.

Rétturinn þinn: sækja og eyða

• Þú getur sótt öll gögnin þín hvenær sem er (Stillingar → Gögnin mín → sækja allt).
• Þú getur eytt færslum; eytt efni fer í rusl í 30 daga og hverfur svo endanlega.
• Þú getur óskað eftir að reikningnum og öllum gögnum sé eytt með tölvupósti á support@birtacoach.com — því er sinnt án tafar.

Breytingar

Ef stefnan breytist efnislega birtum við nýja útgáfu hér með nýrri gildisdagsetningu.